Ba mhór an sásamh liom rith chuige agus é bhualadh deas agus clé, agus é
thachtadh agus a chorp a chaitheamh i bpoll portaigh agus cloch mhór ceangailte dá
mhuineál.

Nuair a chuimhnigh mé ar an gcapall úd a bhí sa leabhar aige a rachadh an 240 míle in aon ló, cheap mé go
gceanglóinn an Máistir dó agus go scaoilfinn leis, gan srian gan adhastar, agus é ag imeach 240 míle gach aon chúig nóiméad, riamh is choíche go dtiocfadh sé go bruach na haille agus go dtitfidís araon síos, síos, síos, go ndéanfaíiad a smiotadh ina smidiríní thíos ar na clochaí slí nach mbeadh 'fhios ag aon duine cé acu smut de chapall nó smut de Mháistir aon smut acu seachas a chéile.