Am briathar gur éist agus gur ghluais mé roimpi amach agus mo strapa éisc agam
agus iad ag bualadh i gcoinne mo cholpaí.
Bí mo chroí i mo bhéal, agus an gol múchta do mo chaochadh.
Ní inseoidh mé an chuid eile de scéal na maidine sin duit—ba shearbh liom trácht air; ach nuair a bhí sé go léir i leataobh bhí sé socair i m'aigne agamsa nár mhaith an chiall dom dul ag iascach arís gan a insint do Mham roimh ré. Ciall cheannaigh a bhí agam. Ach sin é an dála agamsa i gcónaí é. Ní bhíonn ciall roimh ré choíche agam.